Etiquetas

lunes, 24 de diciembre de 2012

Clube de lectura na Biblioteca Pública Municipal Daniel Castelao de Silleda o vindeiro xoves 27

O IES Pintor Colmeiro e a Concellaría de Cultura e Educación promoven a creación dun clube de lectura na Biblioteca de Silleda

Os maiores de 16 anos interesados/as na iniciativa están convocados o vindeiro xoves día día 27 ás 20.30 horas a una reunión que celebrará na biblioteca pública municipal Daniel Castelao, onde se levarán a cabo as xuntanzas do club.

Silleda aposta pola creación dun club de lectura aberto a toda a cidadanía. Esta iniciativa parte do IES Pintor Colmeiro, que xa conta con clubs propios, co apoio da Concellería de Educación e Cultura. Estará aberto a todas aquelas persoas maiores de 18 anos para poñer en común as reflexións que susciten as distintas lecturas. Para a súa posta en marcha convócase aos interesados/as a unha xuntanza que terá lugar o vindeiro xoves día 27 na biblioteca pública municipal Daniel Castelao, onde terá a súa sede o club, ás 20.30 horas.

A proposta xorde para fomentar o hábito de lectura e o diálogo, para ofertar novas posibilidades no tempo de lecer e tamén para converterse nun punto de encontro entre as persoas que compartan o gusto pola lectura. Dende o IES Pintor Colmeiro, tamén apuntan que o club permitirá dar a coñecer contornos sociais e culturais diferentes aos nosos.

O club desenvolveríase nas instalacións da Biblioteca Pública Municipal Daniel Castelao a partir dos comezos deste vindeiro ano 2013. “Consideramos que se trata dunha iniciativa moi interesante, para fomentar o hábito da lectura e ampliar a oferta cultural no noso municipio, alén de poder diversificar distintas actividades culturais arredor das lecturas que se realicen”, sinala o concelleiro Matías R. da Torre, que eloxia a iniciativa de Gracia Santorum, do IES Pintor Colmeiro, con dilatada experiencia neste tema e que este curso conta con catros clubs de lectura. Con esta proposta a creación dun club de lectura ábrese a toda a cidadanía de Silleda.

Que é un clube de lectura?

Un club de lectura está formado por un grupo de persoas que len un libro aomesmo tempo e que se xuntanunha vez ao mes para debatersobre o lido e poñer en común as distintas opinións. Os clubs de lectura reúnen dous estímulos: a lectura persoal e íntima a posibilidade de compartir esa lectura con outras persoas.





Contacontos na Biblioteca Pública Municipal Daniel Castelao de Silleda. "A Música das árbores" de Anxo Moure

Este mércores 26 de Decembro teremos a oportunidade de desfrutarmos do precioso espectáculo "A música das árbores" destinado ás e aos máis cativas e cativos, e tamén ás súas nais e pais, e que dará comezo ás 16:30 da tarde.


O Contacontos chantadino Anxo Moure

domingo, 23 de diciembre de 2012

O Pai Nadal Chega á Bandeira

Na tarde de Nadal (ás 17:00 horas) como xa é tradicional as rúas da Bandeira e o Centro Cultural Vista Alegre recibirán a visita do Pai Nadal.





jueves, 20 de diciembre de 2012

XII Concerto de Nadal da Banda de Música Muncipal de Silleda, e promete ser abraiante!!!

Este sábado ás 21:00 no Auditorio da Semana Verde de Galiza teremos a extraordinaria oportunidade de ver, escoitar e deleitármonos co espectáculo AS POMBAS DE CARBOEIRO de Fantoches Baj, cola colaboración especial da Banda de Música Municipal de Silleda.
Por tan só 4 euros gozaremos desta espectacular montaxe única. Lembrades que as entradas están á venda na Escola de Música Municipal de Silleda, na Casa da Cultura ou no propio Auditorio anté momentos antes do espectáculo.
Nos quedes sen mçusica, sen son, sen tratro, sen esta grandísima oportunidade!




Teatro no Auditorio Manuel Dopazo da Bandeira

Mañá venres 21 de decembro ás 8 da tarde-antes da fin do mundo- temos tripla sesión da escola de teatro infantil da Anpa Brincadeira: O CONTO TOLO; A TOUPIÑA, 
que serán representadas polo alumnado do Ceip da Bandeira no Auditorio Manuel Dopazo.
Deseguido tamén contaremos coa función teatral a cargo do Grupo de Teatro do Centro Sociocultural de Conxo "Aquí non paga nin dios".
Entrada para maiores de 12 anos: 2 euros




miércoles, 19 de diciembre de 2012

Presentadas máis de 340 postais e 88 cartas solidarias aos Reis Magos nos certames para escolares


Os certames creativos para escolares, organizados pola Concellaría de Cultura, que dirixe Matías R. Datorre, continúan a ter un grande éxito, con novos récords de participación . Así, nesta edición, ao concurso de postais presentáronse un total de 345 creacións e no de Cartas Solidarias aos Reis Magos, un total. Estes traballos foron realizados polos alumnos da Escola Infantil A Galiña Azul (que presentaron 20 postais); o alumnado do Ceip da Bandeira, do Ceip de Silleda,  do Colexio María Inmaculada e os do IES Pintor Colmeiro.
A reunión do xurado terá lugar mañá na Casa da Cultura, onde xa se poden ver tanto ás postais coma as cartas. O xurado do certame de postais estará formado polos artistas locais Marisa Miguelez, Adrián Penido e Ramón Vázquez Barcala, mentres que de xulgar os textos se encargarán outros tres silledenses: o xornalista silledense Xan Salgueiro, o artista Jorge Conde, e David Iglesias González,  artesán e colaborador en prensa.
A entrega de premios nas distintas categorías terá lugar o vindeiro venres día 22 ás 16.30 horas na Casa da Cultura.   En canto aos premios, haberá tres por categoría, con material escolar (fundamentalmente libros en galego) e diplomas, así coma dous libros  para cada centro escolar que participe.

Mañá xoves celebrase o festival de Nadal do Espazo Lúdico Educativo


. Mañá xoves terá lugar, a partir das 19.30 horas, no salón de actos da Casa da Cultura o Festival de Nadal do Espazo lúdico-educativo, iniciativa coordinada dende a Concellaría de Educación.  O certame está aberto a toda a sociedade e contará con propostas novidosas como a representacións con sombras . Ademais do conto da muiñeira de Chantada, O conto dos tres porquiños, haberá un poema, e rimas con números inventadas polos nenos e nenas. Esta proposta está  baseada no libro "Cinco" de Antonio Rubio.
O festival tamén contará con danzas ( Don Meliton, do recopilatorio "Un bico e un cantar" e  Debaixo da Figueira, do recopilatorio "Pelo Gato 24"
Os asistentes tamén poderán disfrutar con visionados coma o da da festa do Samain no Espazo lúdico.


Ábrese o prazo para quen queira ser paxe na Cabalgata de Reis.


@s nen@s interesad@s en participar na Cabalgata de Reis como paxes xa se poden anotar na Casa da Cultura a través do tlf. 986581028. Poden anotarse cativ@s entre 5 e 11 anos.






Silleda recupera a figura do apalpador

O Apalpador, unha figura lendaria do Nadal galega escasamente conservada nas montañas orientais do noso país está a ser recuperada polo concello de Silleda, consciente da importancia de reivindicación e recuperación da cultura do país:

-O día 14 tivo lugar a visita do Apalpador e dun dos seus tranos aos 3 colexios do concello.

-Dende o día 18 fica unha recreación explicativa do personaxe na Casa da Cultura de Silleda alén, dun xogo de palabras participativo co mesmo Apalpador.

-O día 24, a partir das 7 da tarde o Apalpador fará un pasarrúas pola vila de Silleda, e o 31 na vila da Bandeira á mesma hora.


O Apalpador descóbrenos o Arco da Vella

domingo, 16 de diciembre de 2012

Carlos Callón presentará o martes en Silleda o seu libro “Como falar e escribir en galego con corrección e fluidez”


O vindeiro martes día 18, dentro da programación de Nadal, terá lugar en Silleda a presentación do libro “Como falar e escribir en galeg con corrección e fluidez”, de Carlos Callón, presidente da Mesa pola Normalización Lingüística. A cita será ás 21.00 horas na biblioteca municipal Daniel Castelao, e ademais do autor da obra, participarán o concelleiro de Cultura, Matías R. da Torre e o  coordenador de Queremos Galego Deza, Afonso Leal.
Editada por Xerais, nesta obra práctica Callón, de xeito desenfadado e mediante anécdotas, ofréce consellos para darmos o paso de usar o galego e para mellorarmos a nosa calidade lingüística, desbloqueando os prexuízos e medos aprendidos e asumindo que os problemas con que nos encontramos moitas veces non son de orixe gramatical, senón social. Este libro é útil para un público diverso, interesado na lingua nosa, desde persoas que queren comezar a falala ata estudantes de calquera nivel ou persoas que desexan mellorala.
Carlos Callón (Ribeira, 1978) é presidente da Mesa pola Normalización Lingüística (a maior asociación cultural de Galiza) e da Fundación Via Galego, así como portavoz nacional da plataforma unitaria Queremos Galego. Tamén presidiu o Comité de Estado da Axencia Europea de Linguas Minorizadas. Profesor de Lingua e literatura galegas en secundaria e investigador sobre sociolingüística e literatura, materias sobre as cales é un prolífico conferencista. Foi tamén concelleiro na súa vila natal e membro do Consello Asesor de RTVE-G. Publicou os ensaios Unha historia que nos pertence. A obra poética en galego de Lorenzo Varela (2005), En castellano no hay problema (Xerais, 2010), Como defenderes os teus dereitos lingüísticos (Xerais, 2011) Premio Redelibros de Ensaio, Amigos e sodomitas (2011) Premio Vicente Risco de Ciencias Sociais e Premio Fervenzas Literarias de Ensaio e Como escribir en galego con corrección e fluidez (Xerais, 2012). Obtivo tamén varios galardóns pola súa obra de creación, entre os cales salienta o Premio Internacional de Teatro Breve Lauro Olmo (1996). Ademais de colaborar con asiduidade en varios medios de comunicación, mantén o blogue www.carloscallon.com




jueves, 13 de diciembre de 2012

Silleda estrea o programa de Nadal con máis actividades ca nunca!

Coa fin de dar á cidadanía unha amplísima oferta cultural e de lecer para este Nada, o Concello de Silleda crea o programa con máis actividades que nunca se viron neste concello.






sábado, 8 de diciembre de 2012

Maratón de Cinema de ADELLIS

Outro ano máis o cinema de calidade ten o seu lugar no Trasdeza grazas á labor que estas datas, como xa é tradicional, fai a Asociación Sociocultural ADELLIS.
A cita será o vindeiro sábado 15 de Decembro, as 15:55 e rematará ben entrada a madrugada cun filme sorpresa (como xa é habitual),cun total de 6 películas.
Achégate!


sábado, 1 de diciembre de 2012

O local social de Ansemil-Martixe acolle durante tres xornadas un curso de coñecemento do viño



O local social de Ansemil-Martixe acollerá os vindeiros días 11, 12, e 13 deste mes de decembro un curso de coñecemento da cultura do viño. A cita será a partir das 19.30 horas nas tres xornadas, impartida por Alfonso Losada, xefe de Enoloxía da Estación de Vitucultura e Enoloxía de Galicia.
A inscrición custa 10 euros e o ciclo ten un número máximo de 24 prazas. As persoas interesadas en asistir poden inscribirse a través da Asociación Cultural e Veciñal de Ansemil-Martixe ou na Casa da Cultura de Silleda (986 581021).
O curso abordará contidos básicos coma as castes de vide autóctona galega, nocións sobre elaboración do viño e outros temas relacionados coa cata coma identificacións do aroma, cor, componentes gustativos, o equilibrio do viño, a detección de defectos, ou a importancia e formación na cata.
A cita está coorganizada polas Concellerías de Cultura e Participación Cidadá, que dirixe Matías R. Da Torre e a Asociación Cultural e Veciñal de Ansemil-Martixe. A idea é realizar  un primeiro achegamento teórico práctico á cultura do viño, con catas das diferentes denominacións de orixe galega e tamén uns consellos sobre como experimentar coa uva local para a elaboracion do viño.
“Trátase dunha iniciativa que se podería repetir se houbera interese, especialmente na zona nordeste do Concello, cara ao val do ulla,  onde a produción de viño xa é considerabel”, engade o concelleiro.




jueves, 29 de noviembre de 2012

As autoras Ledicia Costas e Montse Pena imparten obradoiros de literatura no IES Pintor Colmeiro

Ledicia Costas e Montse Pena Presas, escritora e crítica literaria respectivamente deron onte  senllos obradoiros sobre poesía e literatura infantil para o alumnado do IES Pintor Colmeiro, alén de falaren das súas derradeiras obras publicadas: O Corazón de Xúpiter e a Estrela do Vento.



A Concellaría de Cultura programa un curso de teatro na Bandeira para os meses de xaneiro e febreiro


 A Concellería de Cultura de Silleda organiza un curso de teatro para os meses de xaneiro e febreiro. O ciclo terá lugar no Centro Cultural Vistalegre da Bandeira e será impartido por Cristina Collazo, actriz e profesora de Literatura, oriunda da localidade. As inscricións poden facerse ata o 20 de decembro no citado centro ou chamando ao 986 585550. O prezo é de 40 euros por persoa.
O curso, dirixido ao público en xeral, ou a actores e actrices amateurs con ganas de compartir e investigar, e combinará sesións prácticas con outras teóricas. As sesións durarán entre 2 ou 3 horas e fixaranse as datas xunto coas persoas interesadas (venres pola noite ou sábados pola mañá.
Na parte teórica abordaráse dende o teatro clásico de Grecia, Cervantes e os Entremeses o século XX con referentes coma Lorca, ou o nacemento do Cabaré, ata as técnicas de contacontos, títeres, o teatro oriental ou cuestións coma o tempo e o espazo dramatico.
Na parte práctica non faltarán a creación de personaxes de Chéjov, xogos de Stanivslaski, ou o traballo da biodinámica e o teatro de campo.
Con esta iniciativa da Concellaría de Cultural propónse pór as bases para unha aprendizaxe de conceptos básicos da escena nun curso de dous meses de duración, sempre e cando se reúna un grupo mínimo de persoas.

Posibilidade de crear un grupo afeccionado

O concelleiro de Cultura, Matías Rodríguez da Torre, sinala que “a partir desta experiencia poderase estudar a posibilidade, se for do interese dos trasdezaos/as e houber un número suficiente de participantes, de conformar unha agrupación teatral afeccionada estábel no Concello de Silleda.

martes, 27 de noviembre de 2012

Máis de 300 alumnos e alumnas de Silleda formarán unha cadea humana contra a violencia de xénero


A mocidade silledense amosará o vindeiro martes día 27 de novembro a súa repulsa cara a violencia de xénero. Así máis de 300 alumnos e alumnas da ESO do IES Pintor Colmeiro e o Colexio Mª Inmaculada participarán a partir das 12:30 nunha grande cadea humana en contra da violencia machista.
A cadea humana sairá de cada un dos centros para  xuntarse no final da rúa María Colmeiro e intercambiaren obxectos simbólicos escollidos para a ocasión entre os dous centro a fin de chegar ao principio da cadea de cada centro o obxecto escollido polo outro centro.
No punto de intersección haberá unha intervención pola parte dos alumnos/as dos dous centros de Secundaria do concello para deixar constancia do evento e da posición da mocidade trasdezá contra a violencia machista. O acto está convocado pola Concellaría de Educación do Concello de Silleda e colaboran activamente nel a comunidade escolar dos dous centros mencionados.




viernes, 23 de noviembre de 2012

I concurso fotográfico de Nadal na Bandeira

A Asociación Cultural Vista Alegre da Bandeira, acaba de pór en marcha un  concurso fotográfico, a temática será a vila da Bandeira e os que queiran participar terán de prazo ata o día 5 de Decembro. A persoa gañadora recibirá 150€!



lunes, 19 de noviembre de 2012

A Banda da Bandeira celebra o seu trinta aniversario

...e será por todo o alto!
A cita é o vindeiro sábado 24 de Novembro a partir da 20:00 horas no Auditorio Manuel Dopazo, da vila da Bandeira, onde teremos a oportunidade de ver o documental de Manuel Otero, "A música da Bandeira" (do cal se repartirán copias para os veciños da vila e para as bibliotecas), alén diso teremos a actuación da Banda de Veteranos!

Achégate a celebrar o noso aniversario na Bandeira!


Emblema da Banda de Música Recreativa e Cultural da Bandeira

XXXIV Semana Cultural de Cira

Un ano máis, e xa van 34, a parroquia máis septentrional do noso concello artella unha  a súa xa senlleira, Semana Cultural. Desta volta, serán 3 días cheos de actividades:

-Xoves 22 de Novembro ás 9 da noite: charla sobre a paisaxe de Cira e do Val do Ulla. "Un percorrido polo Val do Ulla. A parroquia de Cira" e proxección do documental "A memoria nos tempos do wolfram" de Antón Caeiro.

-Venres 23 de Novembro ás 9 da noite: concerto da Banda Xuvenil da Bandeira.

-Sábado 24 de Novembro ás 9 da noite: cea-baile amenizada polo dúo Meritxell

Cómpre salientar os anos que está parroquia leva comprometido coa popularización e difusión cultural entre os seus veciños.



Xornadas musicais en Silleda

Co gallo da celebración da festa patronal dos que se adican á Música, a Banda de Música de Silleda artella tres xornadas adicadas á música, que contarán coas seguintes actividades:


-Concerto o xoves 22 de Novembro ás 20:00 horas na Casa da Cultura de Silleda a cargo da Banda de Música Infantil de Silleda, a Banda de Música Xuvenil de Silleda e o Coro da Escola de Música de Silleda.

-Merenda para o alumnado da Escola de Música de Silleda e concerto de "Cé orquesta pantasma" o venres 23 de Novembro. Será na Escola de Música e está organizado pola ANPA do centro,  "Musiquiños".

-Concerto da Banda de Música Municipal de Silleda, o sábado 24 de Novembro no auditorio da Semana Verde de Galicia ás 19:00 horas.

Achégate a desfrutar cos nosos músicos!


lunes, 12 de noviembre de 2012

III MAGOSTO CONCERTO DE ADELLÍS








 A asociación cultural Adellís celebrará o vindeiro 16 de novembro o seu III Magosto Concerto, no bar Recanto. A cita será ás 21:00 horas, haberá castañas e moita música.
ACHÉGATE!



Pódese ser unha mostra da súa músicas nas seguintes ligazóns: 
https://www.youtube.com/watch?v=PX4sqhnBr78
https://www.youtube.com/watch?v=jwF5_vrJVeE

miércoles, 7 de noviembre de 2012

Documental Deixádeos Pasar na Bandeira

Presentación o sábado 10 de novembro ás 19:30 horas no Centro Cultural Vista Alegre da Bandeira, unha obra de "Creativa Ollo de Vidro" baseada na obra de Rosalía de Castro.










martes, 6 de noviembre de 2012

Magosto popular en Ponte

Coma noutras parroquias, a parroquia de Ponte terá o seu magosto este outono, concertamente o vindeiro sábado 10 de novembro, por so 6€ poderedes desfrutar dun menú composto de castañas, panceta e viño, alén de café e chocolate! a cita é a partir das 9:30 da noite no local social de Ponte, e para reservar cómpre chamar aos números que figuran no cartaz.


Xornadas da Ciencia en Galego no IES Pintor Colmeiro de Silleda

3 Días adiacados á ciencia no IES Pintor Colmeiro, 3 días con proxeccións e conferencias para dar a coñecer o pensamento e a investigación científica en galego!


Na imaxe o químico e xeólogo galego Isidro Parga Pondal, tan importante na ciencia galega que as bolsas de investigación para científicos noveles, recentemente eliminadas, levaban  os seu nome 



Na imaxe, Ramón Verea homenaxeado este ano polo Día da Ciencia en Galego pola invención dunha protocalculadora, que permitía a realización mecánica de multiplicacións xa no século XIX.



Magosto Popular no Centro Cultural Vista Alegre o venres 9 de novembro

4º CONCURSO DE POSTRES DO OUTONO

O ÚNICO REQUISITO É QUE OS POSTRES SEXAN ELABORADOS CON FROITOS TÍPICOS DESTA ÉPOCA DO ANO. DEBRÁN PRESENTARSE NO CENTRO CULTURAL ANTES DAS 19´00 h. DA TARDE (As bases poderán ser consultadas no Centro Cultural)

 

HABERÁ CASTAÑAS  ASADAS, BOLO PREÑADO, POSTRES ESPECIAIS E VIÑO, TODO ESTO ACOMPAÑADO DE BOA MÚSICA A CARGO DO

DÚO MASTER

                   
 

DATA: Venres 9 de Novembro 2012


HORA: A partires das 20´30 h. da noite

LUGAR: Centro Cultural “Vista Alegre”

Exposición de fotos antigas en Fiestras o sábado 10 de Novembro

Este sábado terá lugar unha xuntanza dos veciños de Fiestras na antiga Escola de Aragonza. A xornada comezará as 16:00 horas e contará cunha exposición xeográfica da parroquia de Fiestras, seguida dunha proxección de fotos antigas, amenizada cos Gaiteiros Pao de Buxo de Saídres e cunha paparota de castañas. Achégate a coñecer a túa parroquia!




Recital polo Trixésimo aniversario da Banda de Música Recreativa e Cultural da Bandeira

A Banda de Música Recreativa e Cultural da Bandeira terá unha actuación para conmemorar o seu trixésimo aniversario este domingo 11 de Novembro Auditorio Manuel Dopazo, da Bandeira. A cita será as 18:30 horas e contará coa participación da Banda Cultural de Teo.



Actuación da Banda da Bandeira

II edición da Gratifeira na Praza do Siñor Afranio

A Asociación de Vedciños Olaia, de Silleda, organiza o vindeiro sábado 10 de Novembro unha nova edición da súa Gratifeira, entre as 11:00  horas e as 20:30. Quen queira participar poderá aportar roupa e/ou calzado en bo estado entre as 17:00 horas do venres e as 20:00 hora, contactando con Mari Carmen (639232800) Lucía (666605667) ou Sonia (655852890), mais lembrade que tamén podedes participar simplemente acudindo a desfrutar da tarde cos vosos veciños á Praza do Siñor Afranio.



jueves, 25 de octubre de 2012

A parroquia de Breixa celebrará a XIII Festa da Castaña o vindeiro sábado 27 de outubro


A parroquia silledense de Breixa celebrará a décimo terceira edición da Festa da Castaña o vindeiro sábado día 27 de outubro. A cita será a partir das 21.00 horas e a cea incluirá castañas asadas, cocidas e panceta, ademais de ofrecer servizo de polbeiro. No marco desta exaltación gastronómica tamén haberá un concurso de postres e a comisión organizadora sorteará un xamón. A velada estará amenizada pola agrupación de músicos A Lira de Prado. As entradas para asistir á cea poden mercarse en A Nosa Taberna (Breixa); Bar Sanse (O Castro); A Taberna de Pena (Negreiros); A Taberna de Martixe ; A Taberna de Saídres; Bodegón Esher e A Nosa Taberna (Silleda) e no Bar Reyna (A Bandeira).
Así mesmo o programa incorpora este ano dúas novidades. Así, ademais dunha exposición colectiva de artes plásticas o venres 26 ás 21.00 horas, no Centro Cultural “O Cruceiro” de Breixa terá lugar unha xornada divulgativa da marca de calidade da Indicación Xeográfica Protexida (IXP) Castaña de Galicia.
O concelleiro de Cultura e Turismo, Matías Rodríguez da Torre, sinala que esta xornada está aberta a todos os veciños e veciñas do municipio de Silleda, e nela explicaranse as posibilidades económicas do cultivo da castaña. “A idea é complementar as festas gastronómicas típicas de Trasdeza con outros elementos de carácter cultural, de ahí a exposición, ou de promoción turística e económica, como a charla que terá lugar o venres e que se presenta moi interesante, xa que se darán a coñecer as potencialidades deste recurso milenario galego para o noso país, tal e como xa acontece en Francia ou Portugal”, engade o concelleiro.
Na xornada divulgativa, ademais de cuestións como a producción (variedades existentes, temas relacionados co cultivo, enfermidades e pragas, parque de maquinaria…) tamén se abordarán outras como a comercialización (castaña para fresco e para industria), axudas ou exemplos de xestión empregados noutros países.

A comedia “Mambo” chega á Casa da Cultura de Silleda o vindeiro domingo 28 de outubro


A programación cultural de Silleda continúa o vindeiro domingo día 28 coa comedia Mambo, de Juan Antonio Castillo. A cita será na Casa da Cultura ás 18.00 horas. As entradas poden adquririse na propia Casa da Cultura. Para facer reservas pódese chamar ao 986 581028 ou ben enviar un e-mal a cultura. silleda@gmail.com. O custe será de 7 euros, con descontos para parad@s, estudantes e xubilad@s (6 euros) e menores de 16 (5 euros). Tamén se poden mercar packs, para dúas persoas (adultos, por 12 euros); adulto e nen@ (10 euros) e pack familiar (2 adultos+2 nen@s por 20 euros). A obra, non está recomendada para menores de 12 anos.
Para os que escoitaron falar dela e non a puideron ver, MAMBO continúa coa súa xira galega e desta volta aterra en Silleda. Facemos un repaso das principais claves para entendela. Para empezar, as personaxes: Manolo e Ramón, currantes de Galakistán (terra sen esperanza); Floid e Larry: gobernantes de Inglandia (terra da abundancia) con parecido físico extraordinario a Ramón e Manolo respectivamente; Paca: doncela namorada do capitán Larry e desexada polo rei Floid; Paca-Paca: evolución hardcore de Paca; Mandela: o que vale para todo. A partir de aí, desenvólvese unha historia firmada por Juan Antonio Castillo, bastante shakesperiana no seu argumento e moi singular no seu formato escénico (a cargo de Iván R.) que ten a vantaxe de empregar un código lingüístico único, entendible en case todo o planeta.

Algúns chámanlle “neo comedia da arte”, outros descríbena como unha mestura de clown, comedia da arte, realismo e surrealismo...sen chegar a ser ningún deles. O que MAMBO é ou non é aínda está por dicir. De momento, Xoán Abreu (actor e director do espectáculo), Machi Salgado (actor), Fran Peleteiro (actor) e Antela Cid (actriz), conseguiron arrincar gargalladas a eito e contaxiar ao público da súa particular linguaxe na estrea que fixeran a pasada primavera en Vigo. Agora continúan a conquista de Galakistán e se se poñen poden chegar ata Inglandia. De momento, van a por Silleda. Actuarán na Casa da Cultura de Silleda o domingo 28 de outubro ás 18,00 horas. Os prezos da entrada son 7 € a normal, 6 € parados, estudantes e xubilados, 5 € os menores de 16 anos, 10 € un adulto e un menor, e 20 € Familiar, dous adultos e dous cativos.

Aí van as 16 palabras do dicionario Mambo por se queredes ir ensaiando: AMORE (non necesita tradución), POWER (tampouco a precisa), MAMBO (interpretable ben como sexo, ben coma foder, no sentido de fastidiar), OK (que vale, que si), STOP (vai parando), PESETA (cartiños), WHISKI (bebercio), REVOLUTION (cando a vida dá unha volta), GALAKISTÁN (Galicia), INGLANDIA (Inglaterra), NO (non é non), HM serve para preguntar calquera cousa ou mostrar sorpresa), PAPEL (documento), MANDELA (criado), PUM (pistola), PICCOLO (pequeno).



lunes, 8 de octubre de 2012

Torneo de Petanca en Silleda

Este venres 12 de Outubro, a partires da 10 da mañá terá lugar o primeiro torneo de petanca de Silleda, acompañado, ao día seguinte dun curso de inicación á petanca.
A actividade, organizada por Adellís, terá lugar na Praza da Feira Vella e as insicricións serán na Casa da Cultura de Silleda.


viernes, 5 de octubre de 2012

Exposición das obras das alumnas dos Cursos de Pintura de Vilar e Oleiros

As veciñas que durante o outono e inverno pasado tiveron a oportunidade de aprender pintura artística en Oleiros e Vilar. A exposición foi inaugurada onte polo concelleiro de Cultura, Matías Rodríguez da Torre e ficará na Sala de Exposicións Pintor Colmeiro ata o 15 de Outubro.


lunes, 1 de octubre de 2012

I Melodías de Outono en Ponte o sábado 13 de Outubro

A Asociación de Veciños  A Trabe de Ponte organiza para o día 13 de Outubro ás 17:30 horas a primeira edición do seu festival "Melodías de Outono".
Terá lugar nunha carpa situada no Campo da Festa de Ponte, e contará coas actuacións das bandas xuvenís locais: A Banda Xuvenil da Bandeira e a de Silleda.



Roteiro arqueolóxico de Oleiros o sábado 6 de Outubro

A Asociación de Veciños San Miguel de Oleiros, en colaboración coa Concellaría de Cultura, Educación, Turismo e Participación Cidadá promove unnha visita guiada á Área arqueolóxica de Oleiros, como xeito de dar a coñecer aos veciños da parroquia e a calquera interesado que se queira achegar, o  enorme patrimonio arqueolóxico do lugar.
O roteiro consistirá nun percorrido duns 5 km a través dos cales poderemos ver petróglifos, mámoas e castros, explicados polo arqueólogo Israel Picón Platas de xeito totalmente gratuíto. 
O punto de encontro será o sábado 6 de Outubro, diante da Parrillada "O Carballo" de Oleiros, ás 10:30 horas. No devandito restaurante, haberá tamén un menú opcional, para aqueles participantes que o desexen por 10€. 


sábado, 29 de septiembre de 2012

XI Festival de Música da Bandeira

O sábado 29 de Setembro terá lugar ás 20:30 horas, no Auditorio Manuel Dopazo, da Bandeira unha nova edición do seu festival de música. Desta volta, alén da Banda de Música Recreativa e Cultural da vila trasdezá afintriona, actuará a Xove Banda de Narón.

A Banda da Bandeira

sábado, 22 de septiembre de 2012

Actividades da Asociación Cultural Vista Alegre


ACTIVIDADES DA ASOCIACIÓN CULTURAL VISTA ALEGRE


·        XIMNASIA TERAPEUTICA
(Luns e Mércores de 19 h. a 20 h. e Xoves de 18 a 19 h.)
·        CURSIÑO DE PILATES
(Días e horarios dependendo do nº de inscritos-as)
·         CURSIÑO DE CALCETA
(Martes de 18 h. a 20 h.)
·        CURSIÑO DE CANTO E BAILE TRADICIONAL  (Para maiores)
(Martes de 20 h. a 21 h.)
·        CURSIÑO DE INGLÉS
(Mércores de 20´30 h. a 21´30 h.)
·        CURSIÑO DE ZUMBA
Trátase dunha nova actividade para manter o corpo en forma. Dirixido a todas as persoas que estén dispostas a darlle caña ós seus músculos. Este tipo de ximnasia está acompañada, case sempre, de música latina. (Os días e horarios dependerán do nº de inscritos-as)
CURSIÑO DE INFORMÁTICA
(Xoves de 19 h. a 21 h.)
·        CURSIÑO DE FOTOGRAFÍA E TRATAMENTO DE IMAXE
(Días e horarios dependendo do nº de inscritos-as)
·        CURSIÑO DE PINTURA (Impartido por Francisco Alén “Picho”)
(Días e horarios dependendo do nº de inscritos-as)

Os cursiños comezarán a partires do 1 de Outubro, polo que o prazo de inscrición remata o vindeiro  28 de Setembro.
MOI IMPORTANTE: Pregámosvos que vos anotedes para sabe-lo número de alumnos-as que van participar nestes cursiños, xa que se non hai un número suficiente de participantes, pospoñerase para máis adiante.
Podedes facelo nas oficinas do Centro Cultural, ou ben chamando ó número de teléfono 986 58 55 50 (Polas tardes), donde se vos facilitará maís información sobre días e horarios de todas as actividades.

NOTA PARA SOCIOS-AS DESEMPREGADOS: Como todos sabemos, os tempos que estamos pasando, non son os mellores para  a xente que está sen traballo, polo que dende esta Asociación queremos colaborar con estas persoas poñendo un precio especial nas actividades en que participen, CONSULTÁDENOS

miércoles, 12 de septiembre de 2012

Paulinho Lêmos na carballeira de Silva (A Bandeira) o venres 14 ás 22:00 horas



A Concellaría de Cultura e Turismo do Concello de Silleda como agasallo de fin de tempada estival,  contará Paulinho Lêmos, o patriarca da música brasileira en Barcelona, trasládase a Pontevedra e A Coruña, para presentar o seu séptimo disco, “Café con xeo”. O aluvión musical que sobrevén ao escoitar  cancións de Paulinho Lêmos, é comparable a deixarse arrullar polas augas do río Ulla,  apoiando a cabeza sobre unha das súas pedras puídas. Vacacións musicais polo mundo son o premio e compromiso cun mundo que soña e reverte en historias e propostas cada vez máis modernas e provocativas.  Paulinho converteuse por obra do seu talento e empeño,  no Patriarca da MPB (música popular brasileira), en Barcelona. “Café con xeo”, 2010;  o seu disco homenaxe á cidade multicultural por excelencia de España, foi a pedra angular dunha escola que ha ir crecendo cos días e forxouse naturalmente a partir de encontros  fortuítos e afortunados con novas xeracións de músicos do mundo que en torno do legado brasileiro, e do propio Paulinho, recréano e engrandecen lonxe do seu lugar orixinal e así o devolven ao xigante suramericano  coa marca Lêmos.   Este disco, que se gravou entre Brasil, Alemaña e Portugal, contou  coa participación de figuras imprescindibles como Mú Carvalho, Kiko Freitas, Ney Conceição, Filó Machado, João Frade, Nelson Faria e Frank Rausch.
Esta vez o mestre Paulinho volve achegarse ao público galego, o cal o coñeceu sobriamente durante o Festival Son e arte de Viveiro, Lugo; en 2009, e algo menos en 2008 durante un concerto como convidado as Festas do Cristo de Cangas. Presentará o seu “Café con xeo” dando unha  visión refrescante da música brasileira. A súa condición  de jazzista, á súa vez enraizado na auténtica cultura carioca, aparece enriquecida pola súa convivencia durante dúas décadas en Portugal. Logo o seu asentamento no mediterráneo de Barcelona, e os seus itinerancias mundanas, lle validan como o músico brasileiro máis internacional da súa xeración.  O seu  pouso musical é un dos máis contundentes e enjundiosos alimentos sonoros para os máis esixentes oídos. O primeiro concerto terá lugar en Bandeira, por unha iniciativa do Concello de Silleda, e O Drakesito (Vos mellores mojitos de Galicia). Logo nun singular espazo gastronómico musical de Arzúa, o Café Confeitaría La esquina. En ambos os concertos estará a disposición do público o CD “Café con xeo”. Para ambos os eventos a entrada é libre.  
Máis información en: www.myspace.com/paulinholemos.
www.paulinholemos.com
Tel contacto: 693-804563. O Drakesito.


Programa:
Paulinho Lêmos presenta o seu CD "Café con xeo".
Venres 14 Setembro. Lugar:   Carballeira de Silva (A Bandeira). Silleda. 22:00Hs.
Sábado 15 Confeitaría-Café "A Esquina". Praza de Galicia, 7. Arzúa. 21:30H.



lunes, 3 de septiembre de 2012

Teatro no Mosteiro de Carboeiro e na Bandeira


"AS POMBAS DE CARBOEIRO" da Compañía Fantoches Baj de Lalín que ha ter lugar en dúas sesións no Trasdeza:
- A Bandeira (centro Cultural Vista Alegre), sábado 8 de setembro ás 20:30 h
- Mosteiro de Carboeiro, domingo 9 de setembro ás 17:30 h.
Especialmente o do Mosteiro, por ter a obra inspiración nel, está proxectado para que poidan ser tamén partícipes na tarde dominical os numerosos visitantes que ten o cenobio románico.
A entrada aos espectáculos custará 3 euros, podendo retiralas a partir do luns no propio Centro Cultural Vista Alegre, no Mosteiro de Carboeiro ou na Casa da Cultura de Silleda. Amais poderanse facer reservas no correo-e: info@turismosilleda.es



lunes, 27 de agosto de 2012

CONCERTO DE SOMOS III NA PRAZA DA FEIRA VELLA DE SILLEDA, XOVES 30 ÁS 10 DA NOITE

Logo do concerto de Chimango organizado pola Concellaría de Cultura e Turismo o pasado 8 de agosto e da boa acollida que tivo entre os silledenses, uns hostaleiros da vila dirixíronse a min coa idea de organizaren outro concerto e dinamizar as noites de verán na vila.
É polo que se respalda e colabora esta iniciativa de dous negocios hostaleiros locais, Restaurante Ricardo e Café Bar Pukará, ambos os dous situados ao pé da Praza da Feira Vella, para que o vindeiro xoves, 30 de agosto a partir das 10 da noite na devandita praza, teña lugar un concerto do grupo de Silleda, SOMOS III, integrado por Daniel Talquenca (guitarra) Paco Montoto (teclados e programación musical) e Carlos Montoto (voz), os cales interpretan fundamentalmente un repaso polo repertorio do pop-rock das décadas dos 80 e 90 no Estado español.
Esta interesante iniciativa pretende ser unha proba para experimentar se estas iniciativas teñen boa acollida do público, e conduzan a que, sobre todo, no verán vindeiro se poida pechar unha programación estival entre semana conxunta entre a hostalaría local e a Concellaría, nos núcleos urbanos de Trasdeza, Silleda e A Bandeira, que dinamice a actividade lúdica das vilas nas diversas rúas e prazas e sexa tamén un reclamo para os visitantes e turistas.

sábado, 18 de agosto de 2012

‘aCadaCanto’, chega ao Mosteiro de Carboeiro o vindeiro venres día 31 de agosto




O mosteiro de Carboeiro será o escenario dun novo concerto. A cita, o vindeiro venres día 31 de agosto será esta vez con aCadaCanto, o quinto traballo discográfico do selo Músicas de Salitre. Artistas coñecidos como Guadi Galego, Guillerme Fernández, Xavier Díaz e Xosé Lois Romero son os artífices do traballo resultante deste xuntoiro de artistas con traxectorias independentes. Aínda que xa teñen coincidido en moitas ocasións, esta é a primeira vez que os catro participan de forma conxunta. O disco foi publicado a mediados do pasado mes de maio.
A cita en Carboeiro será ás 21.30 horas, e as entradas terán un prezo de 10 euros en venda anticipada e de 12 euros na billeteira. A venda anticipada farase na Casa da Cultura de Silleda (986 581028; info@turismosilleda.es) o na mesma tarde no mosteiro.
A cita, programada dende a Concellaría de Cultura e Turismo, que dirixe Matías Rodríguez da Torre, vén sumarse á oferta cultural de verán.” Pese ás dificultades económicas, dende a Concellaría de Cultura e Turismo buscamos que poida haber durante o verán actividades culturais de grande calidade, polo que aínda haberá algunha cita máis antes que remate a tempada estival”, engade o concelleiro.
(Nota: o concerto será presentado a vindeira semana polos propios artistas en Silleda)



miércoles, 15 de agosto de 2012

O Bandeirock será o 16 de Agosto

O 16 de Agosto teremos unha nova edición do Bandeirock. Desta volta, a partir das 22;30 teremos a oportunidade de ver a Barrio Rojo, Tu mujer nos engaña, malucos e malandros e máis unha banda sorpresa.



As actuacións terán lugar na rúa Camilo José Cela, en caso de que chova irase ao pavillón da Bandeira. 

O Esmorga Folk será o 17 de Agosto na Bandeira

...e coma sempre será na vila de A Bandeira. Desta volta virán:


-Tanto nos ten (de Redondela)
-Zurrumalla (de Vigo)
-Os Carapaus ( de Compostela)
-Os Cuchufellos (de Manzaneda)

As actuacións terán lugar desde as 22.30 horas



martes, 7 de agosto de 2012

Bases para as subvencións en Cultura e Deporte

Poderán optar a estas subvencións as asociacións culturais e asociacións veciñais, educativas ou outras entidades sociais que presten servizos ou organicen actividades sen fin de lucro do tipo (organización de actividades que fomenten a cultura, a educación, o turismo ou a participación cidadá como cursos e obradoiros, celebracións tradicionais, viaxes, certames, etc.) e para gastos en infraestruturas e equipamento cultural.

Este ano como novidade pódense recoller no Rexistro do Concello todos os modelos precisos para presentar, e mesmo descargalos desde o sitio web www.silleda.es


As bases están publicadas no Boletín Oficial da Provincia do luns 6 de Agosto , a partires da páxina 64. 



domingo, 5 de agosto de 2012

Chimango Comando rumbero, presenta en Silleda o seu disco "Donde el diablo perdió el Poncho", o mercores 8 Agosto na Praza da Feira Vella as 10 da noite.

Chimango presenta "Donde el diablo perdió el poncho", en tour galego, ao que se sumou Silleda (8 de Agosto en Praza do Feira vella). A concellaria de Cultura e Participacion Cidada decidiru engrosar a programación estival con esta proposta actual de música mestiza adubiada co sabor tropical de O Drakesito, os mellores mojitos cubanos de Galicia.
En formato trío baixo o apelativo de Comando rumbero, presentarán unha música avalada por figuras como Manu ChaoTonino CarotoneAnouk  Chauvet (Fufu-ai), quen colaboran neste novo disco do arxentino  afincado en Barcelona, Pablo Pascuale